De Cristos lughe increata
sezis dorata aurora
Amparadennos segnora
Virgo de s’annunziata
Ab Aeternum vit previstu
In sa corte celestiale
De esser vois mama tale
De su vizu gesu cristu
Pro tenner s’omine tristu
Reparu a sa prima errata
Amparadennos segnora
Virgo de s’annunziata
Ave bos naran maria
Tottu de grazias piena
Casta e candida sussena
De chelu eterna allegria
De cristos veru messia
Sezis mama signolada
Amparadennos segnora
Virgo de s’annunziata
Sezis de grazias mare
Sezis de grazias mina
Sezis cura e meichina
Chin portentos singulares
Sezis norte pro ghiare
S’anima canno atterrada
Amparadennos segnora
Virgo de s’annunziata
In chelu e in terra esaltada
Soverana impera dora
Amparadennos segnora
Virgo de s’annunziata
