OCHE ‘E NOTTE

Vantu

(Amico Cimino)

D’oro vine e rubinu riluchente

S’aurora sos raios at perdidu

 

Perdidu at ogni incantu s’aurora

Sos astros de su chelu sole e luna

Ca ses naschida tue bella Flora

E los asa accecados tottu in d’una

Pro casu singulare sa vortuna

Ti at datu in terra sarda sa dimora

Sos oios tuos brillana a d’ogni ora

Che faru luminosu in s’altu lidu

 

De rarissimos donos adornata

Ses bessida chi pares un’ acisu

Tue ses una vergine volada

Dae cuddas chi viven in s’Elisu

Ses una rosa mistica incarnada

Un’incantu d’amore unu sorrisu

Che a tie nonn’ ata in paradisu

E ne in terra mai ne at naschidu

 

De amore s’incantu as tue sola

In d’ogni pettus affumas foghu ardente

Modesta ses che umile viola

Ma vuras a d’ogniunu coro e mente

Ti an fattu sos mereides iscola

Possedis d’Egittu su nepente

T’ammirat dogni ispiritu vivente

Dogni essere nde restata atturdidu

D’oro vine e rubinu riluchente

S’aurora sos raios at perdidu.

Registrazione: Modena, chiesa di San Domenico 16 Giugno 2011