Deus ti salvet Maria

(tradizionale)

 


Deus ti salvet, Maria,
Chi ses de grassias piena,
De grazias ses sa vena
Ei sa currente.
Su Deus Onnipotente
Cun tegus est istadu,
Pro chi ti hat preservadu
Immaculada.
Beneditta e laudada
Supra tottus, gloriosa,
Ses Mama, Fiza e Isposa
De su Segnore.
Beneittu su fiore
E fructu de su sinu
Gesus fiore divinu
Segnore nostru.
Pregade a Fizu bostru
Pro nois sos peccadores,
Chi tottu sos errores
Nos perdonet.
Ei sa grazia nos donet
In sa vida, e in sa morte
Ei sa dizzosa sorte
In paradisu.

 

 

 

Home Page