Anghelos cantate..

In d'unu portale

Naschid'est Gesusu

Misteriu prusu

Non best'uguale

Tra duos animales

Giuseppe e Maria

Anghelos Cantate a su izzu de Maria ...Anghelos Cantate a su izzu de Maria

Dormi prenna e oro

Sole riluchente

Raju risplennente

De chelu tesoro

Chi salvas su moro

Dae sa preionia

Anghelos Cantate a su izzu de Maria ...Anghelos Cantate a su izzu de Maria

Riposa segnore

Dormi fizzu amadu

O verbu incarnadu

Nattu redentore

Pro su peccatore

Cuminzas sa via

Anghelos Cantate a su izzu de Maria ...Anghelos Cantate a su izzu de Maria

 

Dormi cun cuntentu

Non prangas ancora

Atta a bennere s'ora

De su patimentu

Vasu de argentu pienu de allegria

Anghelos Cantate a su izzu de Maria ...Anghelos Cantate a su izzu de Maria

Pizinnu graziosu

Benignu e giocundu

Luche de su munnu

De sos santos gosu

Fizzu graziosu

De s'anima mia

Anghelos Cantate a su izzu de Maria ...Anghelos Cantate a su izzu de Maria

 

Sos bonos pastores

Sono vigilenne

S'intennene cantenne

Celestes canzones

Cun grannes onores

B'annana a Maria

 

Anghelos Cantate a su izzu de Maria ...Anghelos Cantate a su izzu de Maria

 

De frores e fozzas

Fecunnan sa terra

Este istatu in gherra

Cun metas dolores

Pro su peccatore

S'abberi sa via

Anghelos Cantate a su izzu de Maria ...Anghelos Cantate a su izzu de Maria

Sos supremos coros

De sos serafinos

Cun durches clarinos

Bellos e decoros

Suscitan sonoros

Cantos de allegria

 

Anghelos Cantate a su izzu de Maria ...Anghelos Cantate a su izzu de Maria